Qasiretti qańtar oqıǵasyna qatysy bar degen kúdikpen bir azamat qolǵa tústi, dep habarlaıdy Egemen.kz «Habar 24»-ke silteme jasap.
Almatydaǵy polısııa ǵımaratyna shabýyldady degen kúdikpen qolǵa túsken azamat Jambyl oblysynyń 24 jastaǵy týmasy. Ol qazir Almatyda turady. Kóliktegi polısııa departamentiniń bastyǵy Ońal Bekıevtiń aıtýynsha, besinshi qańtarda aıyptalýshy ózge jaqtastarymen birge qarý-jaraq dúkenin tonap, keıin áýejaıǵa shabýyl jasaǵan. Sol kúni qylmystyq áreketin polısııa ǵımaratynda jalǵastyrǵan. Budan soń qarýyn belgisiz azamatqa 40 myń teńgege satyp jibergen. Qazir kúdiktige qarsy tergeý júrip jatyr.