Búginnen bastap Jaqsylyqova Jaına Slambekqyzy «Habar» arnasynyń dırektory laýazymyna taǵaıyndaldy, dep habarlaıdy Egemen.kz.
Jaına Slambekqyzy 1974 jyly 12 qarashada Qyzylorda oblysy, Qarmaqshy aýdany, Qýańdarııa aýylynda dúnıege kelgen.
Ál-Farabı atyndaǵy Qazaq Ulttyq ýnıversıtetiniń jýrnalıstıka fakýltetin aıaqtaǵan.
Eńbek jolyn ýnıversıtet bitirgen 1996 jyly jazda «Habar» agenttiginde tilshi bolyp bastaǵan. 2014 jyldyń aqpanyna deıin kommentator, atqarýshy prodıýser, telejúrgizýshi, aqparattyq-saraptamalyq baǵdarlamalar dıreksııasynyń dırektory bolyp jumys istedi.
2014 jyldyń aqpanynan 2019 jyldyń shildesine deıin «Astana» telearnasynda «Bizdiń ýaqyt» aqparattyq-saraptamalyq baǵdarlamasynyń avtory ári júrgizýshisi boldy.
2019 jyldan beri «Apta» baǵdarlamasynyń jetekshisi jáne júrgizýshisi bolyp keldi.
Jaına Slambekqyzy - Qazaqstan Jýrnalıster Odaǵy syılyǵynyń laýreaty (1999 j). Otandyq telejýrnalıstıkanyń damýyna qosqan úlesi úshin QR Prezıdenti syılyǵymen marapattaldy (2019 j), sonymen birge «Tumar» ulttyq televızııa syılyǵynyń ıegeri (2020 j).