Oral qalasynda para alǵany úshin aıyptalǵan kóshi-qon polısııasynyń bólim basshysy qamaýǵa alyndy, dep habarlaıdy Egemen.kz «Ýralskaıa nedelıa» portalyna silteme jasap.
Aldyn ala aqparatqa sáıkes, Qanat Muqanov 11 sáýir kúni 50 myń teńge kóleminde para alǵan kezde ustaldy.
Osy aqsha úshin qajetti anyqtamany jyldam istep berýge ýáde etken kórinedi. Polısııa basshysy ustalyp, qalalyq ýaqytsha ustaý ızolıatoryna qamaldy. Polısııa departamenti áriptesiniń ustalýyna qatysty túsinikteme bermedi. Al sybaılas jemqorlyqqa qarsy qyzmet Q. Muqanovtyń ustalǵanyn rastady.Oblystyq sottyń málimetine sáıkes, qylmystyq is materıaldary tergeý sotyna áli túsken joq.