Soltústik Qazaqstan oblysynda órt saldarynan 4 adam qaza boldy, dep habarlaıdy Egemen.kz.
29 sáýir saǵat 03:28-de kezekshi pýltine Soltústik Qazaqstan oblysy Aqjar aýdanynyń Maı aýylynda jeke turǵyn úıde órt bolyp jatqany týraly aqparat túsken.
Aýyl eń jaqyn órt sóndirý bóliminen 53 shaqyrym jerde ornalasqan. Kórshilerdiń aıtýynsha órt kezinde úıde adamdar bolǵan. TJ ornyna aýdan ortalyǵynyń №8 órt sóndirý bóliminiń órt sóndirý qaraýyly shyǵyp, dereý órtti sóndirýge kirisken.
«О́rt sóndirý bólimshesi kelgen sátte úı ashyq jalynmen janyp jatqan. О́rt «Maıskoe-Agro» sharýa qojalyǵynyń erikti órtke qarsy quralymy sóndirýge kiristi. Olar kelgenge deıin jergilikti turǵyndar 1963 jyly týǵan áıeldiń denesin taýyp syrtqa shyǵarǵan.
О́rtti joıý barysynda úsh er adamnyń jansyz denesi tabyldy: 1958 jyly týǵan úı ıesi jáne úı ıesiniń 1975 jáne 1967 jyly týǵan qonaqtary. Sonymen qatar órt sóndirýshiler úıden bir gaz ballonyn alyp shyqty. О́rt 05.00 shamasynda aýyzdyqtalyp, 05.40 kezinde tolyq sóndirildi. О́rtti sóndirýge 4 tehnıka men 14 adam jumyldyryldy», delingen habarlamada.
О́rttiń shyǵý sebebi men materıaldyq zalal kólemi anyqtalyp jatyr. Kórshilerdiń aıtýynsha, qaıtys bolǵandar únemi alkogol ishýmen áýestengen.