Shymkentte patrýldik polısııa polkiniń rota komandıri ustaldy, dep jazady Egemen.kz QR Sybaılas jemqorlyqqa qarsy is-qımyl agenttiginiń baspasóz qyzmetine silteme berip.
«Jaqynda Shymkent qalasy Polısııa departamentiniń jergilikti polısııa qyzmeti patrýldik polısııa polkiniń 4-rota komandıriniń qylmystyq áreketi toqtatyldy.
Ol júıeli negizde qaramaǵyndaǵy qyzmetkerlerden qyzmeti boıynsha jalpy qamqorlyǵy úshin para aldy (Qylmystyq kodekstiń 366-baby boıynsha)» delingen habarlamada.
Málimetke saı, 27 sáýirinde Arnaıy jedel-izdestirý is-sharasy barysynda Shymkent qalasy PD ABB-men birlesip, qaramaǵyndaǵy qyzmetkerlerden kezekti para alǵannan keıin kúdikti ustalyp, ýaqytsha ustaý ızolıatoryna qamaldy.
29 sáýirde Shymkent qalasynyń mamandandyrylǵan tergeý soty oǵan qatysty «kúzetpen ustaý» túrindegi bultartpaý sharasyn sanksııalady.