Jastar belsendi bolǵany jón

Is-sharany ashqan Nur-Sultan qalalyq qoǵamdyq keńesiniń tóra­ǵasy, referendýmdy qoldaý jónin­degi respýblıkalyq qoǵam­dyq shtabtyń elordadaǵy ókil­di­gi­niń tóraǵasy Zulpuhar Ǵaıypov saıası naýqannyń memleket úshin mańyzy zor ekenin atap ótti.

Basqosý barysynda sóz al­ǵan Ulttyq ǵylym akade­mııa­­synyń akademıgi, fılologııa ǵylymdarynyń doktory Kárimbek Qurmanálıev jalpy­ha­­lyqtyq referendýmnyń  Jańa  Qazaq­standy qurýdaǵy róline aıry­q­sha toqtaldy.

«Besinshi maýsym kúni Qazaq­stan halqy tarıhı tańdaýyn ja­saıdy. Prezıdent Qasym-Jomart Toqaev aıtyp júrgen «Jańa Qazaqstan», «Ádiletti Qazaqstan», «Halyq únine qulaq asatyn memleket» uǵymdarynyń barlyǵy da Konstıtýsııaǵa engi­zil­geli otyrǵan ózgerister men tolyqtyrýlarda tolyqqandy qamtylǵan. Sondyqtan da biz ta­rıhtyń jańa betin aıqara ashý jolynda jumylǵan ju­dy­ryq­taı birigýimiz kerek. Kórshi-qolańǵa, jastarǵa, jalpy qazaq­s­tan­dyqtarǵa saıası naýqannyń mańyzyn túsindirip, olardy bel­sen­di bolýǵa shaqyrǵanymyz abzal­», dedi akademık.

Budan keıin sóz alǵan tarıhshy Ernaz Batyrhan jalpyhalyqtyq referendým men Prezıdent usyn­ǵan saıası reformalar pake­tiniń táýelsiz Qazaqstandy jań­ǵyr­týdaǵy róli zor ekenin alǵa tartty. «Memleket basshysy ha­lyqtyń pikirimen sanasqandy maqul kórip otyr. Sondyqtan da bul saıası naýqanda jastar jaǵy belsendi bolǵany jón. Mundaı mańyzdy naýqannan shet qalýǵa bolmaıdy» dedi ol.

Is-shara barysynda sóz sóı­le­gen Memleket tarıhy ıns­tı­týtynyń jetekshi ǵyly­mı qyz­metkeri Baýyrjan Sherııaz­danov konstıtýsııalyq refor­ma­nyń negizi demokratııalyq úderispen astasyp jatqanyna nazar aýdartty. «Aldaǵy referendýmda halyq qoldasa, Ata Zańdaǵy 33 bapqa ózgerister men tolyqtyrýlar engizilmek. Buǵan deıin Prezıdent Qasym-Jomart Toqaev bılik par­tııasynyń tóraǵalyǵynan bas tartqany málim. Bul – de­mok­ratııalyq qoǵamnyń kóri­ni­si. О́z kezeginde saıası partııa qu­rýǵa nıetti azamattarǵa da jaǵ­­­daı jasaldy. Bul aldaǵy saı­­laýlarda partııalardyń báse­ke­lestigi teń dárejede óte­tinin bildiredi. Sondaı-aq Memleket basshysynyń Májilistiń rólin kúsheıtýge den qoıǵany da qýan­typ otyr. Bir sózben aıtqanda, Prezıdenttiń saıası reformasy eldiń kóńilinen shyǵatyny daýsyz. Referendým – halyq tańdaýy, reformanyń bastaýy. Sol úshin de Qazaqstan halqy óz tańdaýyn durys jasaýy kerek», dedi ınstıtýt qyzmetkeri.

Kezdesýde sóz alǵan ózge aza­mat­tar da jalpyhalyqtyq refe­ren­dýmnyń Jańa Qazaq­stan­dy qurýdaǵy mańyzyn jan-jaqty zerdelep, jınalǵandardy saıası naýqannan shet qalmaýǵa shaqyrdy.