TMD Baıqaýshylar mıssııasynyń basshysy Leonıd Anfımov Qazaqstanda ótip jatqan respýblıkalyq referendým barysy týraly baıandady.
«Bizdiń mıssııadan Qazaqstandaǵy referendýmge 140 adam akkredıttelgen. Ýkraına men Moldovadan basqa elder ókiliniń barlyǵy bar. TMD mıssııasy 21 mamyrda óz jumysyn bastady. Men 1 maýsymnan bastap Qazaqstanda jumys istep jatyrmyn. Memlekettik organdarmen, onyń ishinde Ortalyq Saılaý komıssııasy, Joǵarǵy Sot, Konstıtýsııalyq Keńes, IIM, Bas Prokýratýrada birqatar kezdesýler ótkizdik. Ol jerde referendýmǵa daıyndyq barysy týraly aıtyldy. Pikirlestik. Sonymen qatar azamattardyń ótinishi men shaǵymdaryn qabyldaýǵa baılanysty máselelerdi de talqyladyq. Osy ýaqytqa deıin eshqandaı shaǵymdar týraly estimedik. Bul óte jaqsy», deıdi Anfımov.
Spıkerdiń sózinshe, TMD Baıqaýshylar mıssııasynyń baıqaýshylary Almatyda jáne Aqmola oblysynda jumys isteýde.
«О́zim Nur-Sultanda 7 ýchaskege baryp, daıyndyq jáne daýys berý prosesimen tanysyp shyqtym. Qazaqstandaǵy referendýmge oraı tehnıkalyq turǵydan da, uıymdastyrýshylyq turǵysynan da TMD Baıqaýshylar mıssııasy eshqandaı kóńil tolmaýshylyq bildirmeıdi», dedi spıker.
Referendýmge daýys berý Nur-Sultan ýaqytymen keshki 19:00-ge deıin jalǵasady. Referendýmnyń nátıjesinde Konstıtýsııanyń 33 baby boıynsha 56 ózgeris engiziledi.