IIM ókili Shuǵyla Turlybek bir aı ishinde polısııaǵa 1192 birlik atys qarýy tapsyrylǵanyn habarlady, dep jazady Egemen.kz.
«IIM halyqtan zańsyz saqtalǵan atys qarýyn, oq-dáriler men jarylǵysh zattardy satyp alý jónindegi respýblıkalyq aksııany jalǵastyrýda. Qarý-jaraqty óz erkimen tapsyrǵany úshin jaı-kúıine baılanysty qarýdyń árbir birligi úshin 10-nan 100-ge deıingi aılyq eseptik kórsetkish somasynda tólem kózdeledi», deıdi IIM ókili.
Onyń aıtýynsha, aksııa ótkizilgen aıda polısııaǵa 1192 dana atys qarýy óz erkimen tapsyrylǵan.
«О́tkizilgen qarýdyń ishinde 1 avtomatty oıyq, 179 oıyq uzyn uńǵyly, 4 oıyq qysqa uńǵyly, 996 tegis uńǵyly, 12 travmatıkalyq, 5 jarylǵysh qurylǵy jáne shamamen 9,5 myń oıyq uńǵyly qarýdyń patrondary bar», dedi Sh. Turlybek.
Ol qarý-jaraq zattaryn qabyldaý árbir aýmaqtyq polısııa organynda júrgiziletinin eske saldy. Jaraqattyń aldyn alý úshin IIM-de jarylǵysh materıaldar men oq-dárilermen eshqandaı áreket jasamaý usynylady.
Tirkelmegen atys qarýyn, oq-dárilerdi jáne jarylǵysh zattardy óz erkimen tapsyrǵan azamattar qylmystyq jáne ákimshilik jaýapkershilikten bosatylady.