SQO-da polıseıler men eriktiler orman ishinen iz-tússiz joǵalǵan 82 jastaǵy zeınetkerdi taýyp aldy, dep habarlaıdy Egemen.kz Polisia.kz saıtyna silteme jasap.
Zeınetkerdiń iz-tússiz joǵalǵany týraly týystary 12 shilde kúni keshke Aıyrtaý aýdanynyń polısııa bólimine habarlaǵan. Jasyna baılanysty ájeı keı-kezde esin joǵaltyp júrgen. Izdeý is-sharalaryna polıseılerden bólek, tótenshe jaǵdaılar qyzmetiniń aýdandyq bóliminiń qyzmetkerleri, ormanshylar, ákimdiktiń eriktileri jáne jergilikti turǵyndar – qyzmettik jáne jeke kólikterimen jalpy 70-ten astam adam shyqqan. Olar aýyldy, jaqyn mańdaǵy ormandardy teksergen. Izdeý jumysy túnde de júrgizildi. Kelesi kúni túske qaraı izdeýdegi bir top joǵalǵandy taýyp aldy. Aptap ystyqtan álsiregen ájeı jerde jatqan, ol shamamen aýyldan 4 km qashyqtyqta anyqtaldy. Birneshe jutym sýdan esin jıǵan. Polıseıler bul týraly birden abyrjyp otyrǵan týystaryna habarlaǵan, olar da izdeý jumysyna qatysqan bolatyn. Kóp uzamaı zeınetker aman-esen úıine oraldy.
– Izdeý is-sharalaryna kómektesken barlyq adamdarǵa alǵys bildiremiz. Kishkene keshikken jaǵdaıda sońy qaıǵyly aıaqtalýy múmkin edi. Beıjaı qaramaıtyn adamdardyń qatysýy aýmaqty barynsha aýqymdy qamtýǵa jáne iz-tússiz joǵalǵannyń júrgen jerin tez arada anyqtaýǵa múmkindik berdi, – dedi aýdandyq polısııa bóliminiń bastyǵy Marat Serkeshev.