Qostanaı oblysynyń Sarykól aýdanynda úıinde esirtkige uqsas untaq saqtaǵan kúdikti ustaldy, dep habarlaıdy Egemen.kz.
Jergilikti PD qyzmetkerlerine Sarykól kentinde turatyn 44 jastaǵy er adamnyń Sarykól aýdanynyń aýmaǵynda «skorost» dep atalatyn esirtki saqtap, satatyny týraly málimet kelip túsken.
«Kúdiktiniń turǵylyqty mekenjaıynda júrgizilgen tintý barysynda 3 dorba aq tústi untaq, jumsaq sorǵy, untaq oralǵan 39 qaǵaz túıinshek, aq tústi zat salynǵan 75 dorbasha, zip-paketter, túrli tústi 7 ızolenta, 5 bank kartasy, 4 uıaly telefon men 1,5 mln teńge tárkilendi», dedi QR Ishki ister mınıstrliginiń ókili Shuǵyla Turlybek vedomstvonyń onlaın brıfıngisinde.
Kúdikti ýaqytsha ustaý ızolıatoryna qamaldy.