Almaty polıseıleri qalada qarý-jaraq arsenaly jasyrylǵan taǵy bir oryndy anyqtady, dep habarlaıdy Egemen.kz.
Almaty qalalyq krımınaldyq polısııasynyń málimetinshe, Úlken Almaty kanaly boıyndaǵy orman beldeýinen qarý-jaraq arsenaly tabyldy.
«Tabylǵan qarý-jaraqtyń ishinde qos uńǵyly sholaq myltyq, gaz tapanshasy, oqjatary joq BLOW F92 tapanshasy, 4 granata, ártúrli kalıbrli 39 patron, 1 rasııa bar», dep habarlady polısııadan.
Atalǵan derek sotqa deıingi tergeýdiń biryńǵaı tizilimine QR QK-niń 287-baby 2-bóligi boıynsha tirkeldi.
«Qarý-jaraqtyń, sondaı-aq oq-dárilerdiń shyǵý tegi men ıesi odan ári júrgiziletin jedel jáne arnaıy is-sharalar barysynda anyqtalady», dep qosty vedomstvo ókilderi.