Energetıka mınıstri Bolat Aqsholaqov Nur-Sultandaǵy «benzın tapshylyǵy» týraly habarlamalarǵa túsinikteme berdi, dep habarlaıdy Egemen.kz.
«Elde benzın tapshylyǵy joq. Bizde janarmaı quıý stansııalary janar-jaǵarmaı quıý beketterine qansha kólik kiretinin, qansha ketetinin anyqtaıdy. Olar ózderiniń ortasha shyǵyndaryn biledi, sonyń negizinde munaı bazalarynan nemese zaýyttardan janarmaıǵa tapsyrys beredi», dep túsindirdi Bolat Aqsholaqov OKQ brıfınginde.
Energetıka vıse-mınıstri Áset Maǵaýov Nur-Sultanda AI-92 benzıniniń qory jetkilikti ekenin qosa aıtty.
Aıta ketsek, shilde aıynyń basynda áleýmettik jelide Nur-Sultan qalasynda AI-95 markaly benzınniń tapshylyǵyna baılanysty JMQS kezekteri tirkelgeni, sondaı-aq otyn satýǵa lımıtter belgilenip, talondar engizilgeni týraly aqparat tarady. Energetıka mınıstrligi bul aqparatty joqqa shyǵarǵan edi.