Tutynýshylar quqyqtaryn qorǵaý komıtetine 1,8 ese kóp shaǵym túsken, dep habarlaıdy Egemen.kz Saýda jáne ıntegrasııa mınıstrliginiń baspasóz qyzmetine silteme jasap.
«Sońǵy segiz aıda QR SIM Tutynýshylardyń quqyqtaryn qorǵaý komıtetine 17 myńnan astam shaǵym tústi. 2021 jyldyń segiz aıyna ósim 180%, 2021 jyly 9469 shaǵym tústi. О́tinishter sanynyń artýy qazaqstandyqtardyń tutyný mádenıeti deńgeıiniń joǵarylaǵanyn kórsetedi», delingen habarlamada.
Málimetterge sáıkes, shaǵymdardyń 48% - saýda oryndaryna, 20% - jeke qyzmet kórsetý sapasyna, 8% - elektrondy kommersııaǵa, 5% - kommýnaldyq qyzmetterge túsken.
Tutynýshylarǵa 496 mln teńge qaıtaryldy, bul 2021 jylmen salystyrǵanda 192%-ǵa artyq.
Sondaı-aq basqa da ortalyq memlekettik organdarǵa aryz-shaǵymdar kóbeıgen. 2022 jyldyń alty aıynda 5,8 myń ótinish qaralǵan. Onyń 2869-y Densaýlyq saqtaý mınıstrligine, 47 myńǵa jýyǵy ákimdikterge qatysty.
Jansaıa ÁNÝAR