Eńbek jáne halyqty áleýmettik qorǵaý mınıstrligi ishki eńbek naryǵyn qorǵaý maqsatynda jyl saıyn Qazaqstanǵa sheteldik jumys kúshin tartýǵa kvota mólsherin bekitedi. Bıyl bólingen jalpy kvota sany elimizdegi jumys kúshiniń 0,24%-yn nemese 22,2 myń birlik mólsherinde belgilendi, dep habarlaıdy Egemen.kz vedomstvonyń baspasóz qyzmetine silteme jasap.
Bıyl ShJK-ny jumysqa tartý boıynsha 4 sanatta kvota bólindi:
birinshi sanat - 949 ruqsat (basshylar jáne olardyń orynbasarlary); ekinshi sanat - 5 313 ruqsat (qurylymdyq bólimshelerdiń basshylary); úshinshi sanat - 10 818 ruqsat (mamandar); tórtinshi sanat - 2 100 ruqsat (bilikti jumysshylar)Sondaı-aq maýsymdyq jumystarǵa 3 080 jumys kúshin tartý josparlanyp otyr.
Budan basqa 2023 jyly úı sharýashylyqtarynda jumys isteý úshin eńbek ımmıgranttaryn tartýǵa arnalǵan kvota respýblıkadaǵy jumys kúshiniń sanyna qatysty 3,2% nemese 296,7 myń birlik mólsherinde belgilengen.
О́tken jyly jergilikti atqarýshy organdar jumys berýshilerge ShJK tartý úshin 13,4 myń ruqsat berip, uzartty. Bul qaıta bólingen kvotanyń 63,5%-yn (21,1 myń) qurady.
Qazirgi ýaqytta Qazaqstan aýmaǵynda jergilikti atqarýshy organdardyń ruqsaty boıynsha 13 951 shetel azamaty jumys isteıdi.
2022 jyly úı sharýashylyqtarynda jumys isteý úshin eńbek ımmıgranttaryn tartýǵa 300 myń kvota belgilengen edi. Al jergilikti atqarýshy organdar 272 002 ruqsat berdi.