О́skemen qalasynyń polıseıleri esirtkini satý úshin saqtaǵan er adamdy ustady, dep habarlaıdy Egemen.kz.
ShQO PD baspasóz qyzmetiniń málimetinshe, 39 jastaǵy kúdiktiden barlyǵy 28 keliden astam tyıym salynǵan zattar tárkilengen. Keıin er adamnyń memleketaralyq izdeýde júrgeni anyqtalǵan.
«Kúdiktiniń turǵylyqty jerine tintý júrgizý kezinde polıseıler spesıfıkalyq ıisi bar qońyr-jasyl tústi ósimdik tektes zat salynǵan 790 polıetılen oramany tapqan. Saraptama qorytyndysyna sáıkes kúdikti óz páterinde 28 kılogramnan astam keptirilgen marıhýanany saqtaǵany belgili boldy. Qazir ol ýaqytsha ustaý ızolıatoryna qamaldy. Tergeý sharalary jalǵasyp jatyr», delingen habarlamada.
Atalǵan fakti boıynsha QR QK-niń 297-baby 3-bóligimen sotqa deıingi tergeý júrip jatyr. Er adamdy múlkin tárkileı otyryp on jyldan on bes jylǵa deıingi merzimge bas bostandyǵynan aıyrý jazasy kútip tur.