Mınıstr Saıasat Nurbek Halyqaralyq túrki akademııasynyń prezıdenti Shahın Mýstafaevpen kezdesti, dep habarlaıdy Egemen.kz.
Kezdesý barysynda taraptar túrki álemindegi ǵylym salasy boıynsha yntymaqtastyq máselelerin talqylady. Mınıstr Saıasat Nurbek pen Shahın Mustafaev Túrki álemi ýnıversıtetteriniń burynǵy odaǵynyń jumysyn qaıta bastaý jáne jalǵastyrý múmkindigin talqylady.
Akademııa basshysy baýyrlas elderdiń ǵylymı uıymdar arasyndaǵy áriptestik baılanystaryn odan ári nyǵaıtýdyń mańyzdylyǵyna toqtalyp, osy oraıda Túrki álemi Ulttyq ǵylym akademııalary odaǵynyń áleýeti zor ekenin atap ótti.
Sondaı-aq ol gýmanıtarlyq saladaǵy ortaq jobalarǵa qazaqstandyq ǵalymdardyń belsendi qatysatynyna senim bildirdi. Sonymen qatar 2023 jyly naýryz aıynda Bishkek qalasynda Túrki akademııasyna múshe memleketterdiń Bilim jáne ǵylym salasyna jaýapty mınıstrleriniń qatysýymen ótetin Ǵylymı keńestiń kezekti otyrysynyń kún tártibi pysyqtaldy.