Soltústik Qazaqstan oblysynda bıyl 39 bilim nysanyn kúrdeli jóndeýden ótkizý josparlandy. Bul maqsatqa bıýdjet esebinen 3,8 mlrd teńge bólindi, dep habarlaıdy Egemen.kz.
Brıfıngte bilim basqarmasynyń basshysy Názir Jáshibekov ótken jyly 2,5 mıllıard teńgege 31 nysan jóndeýden ótkenin aıtty. Onyń ishinde 21-i «Aýyl – el besigi» baǵdarlamasy boıynsha. Mektepterdiń shatyry, terezeleri, jylý júıesi aýystyrylyp, kúrdeli jóndeý jumystary júrgizildi.
«Apatty mektepterdi joıý jumystary jalǵasyp jatyr. Taıynshy aýdanynda 720 oryndyq eki mekteptiń qurylysy júrip jatyr. Aldaǵy ýaqytta Dragomırovka aýylynda 120 oryndyq mektep salýdy josparlap otyrmyz. Petropavlda oryn tapshylyǵyn azaıtý úshin 2026 jylǵa deıin 3,3 myń oqýshyǵa arnalǵan tórt jańa mektep salynady», dedi Názir Jáshibekov.
Olar 28 pándik kabınet satyp alýdy josparlap otyr. О́tken jyly 150 mıllıon teńgege 28 fızıka-bıologııa kabıneti satyp alyndy.
«2020 jyldan bastap Petropavldaǵy kúndizgi oqý nysanyndaǵy 48 mektepte jan basyna shaqqandaǵy qarjylandyrý tetigi engizildi. Bul qarjyny derbes jáne tıimdi basqarýǵa, olardy saqtaýǵa jáne qaıta baǵyttaýǵa múmkindik beredi. Únemdelgen qarajat esebinen bıyl qala mektepteriniń materıaldyq-tehnıkalyq bazasyn jóndeý jáne nyǵaıtý josparlandy», dep qosty Názir Jáshibekov.