Úsh jylǵa sozylǵan izdestirý jumystarynyń nátıjesinde Soltústik Qazaqstan oblysynyń turǵyny Aqmola oblysynan tabyldy, dep habarlaıdy Egemen.kz IIM baspasóz qyzmetine silteme jasap.
2020 jyldyń qazan aıynda joǵalyp ketken Aleksandr Smırnov aman-esen tabyldy. 6 aqpan kúni er adamnyń Aqmola oblysy Birjan sal aýdanynda turaqtaǵany belgili boldy.
«Er adamnyń uzaq ýaqyt boıy sharýa qojalyqtarynyń birinde jumys istegeni, oǵan qatysty eshqandaı kúsh qoldanbaǵany anyqtaldy», dep jazylǵan habarlamada.
Smırnov óz erkimen týystarymen baılanysqa shyqpaǵan. Sonymen qatar er adam ony sonsha kóp adam izdep júrgenin bilmegen.
Qazirgi ýaqytta er adam Petropavlǵa baryp, otbasymen kezdesýdi josparlap otyr.