Antarktıdadaǵy teńiz muzynyń aýdany spýtnıktik baqylaýlar kezinde rekordtyq tómen kórsetkishke jetkeni anyqtaldy. Sea ice portalynyń málimeti boıynsha, 2023 jyldyń aqpan aıynyń basynda muz Ońtústik muhıttyń 2,20 mıllıon sharshy shaqyrymyn ǵana qamtyǵan, dep habarlaıdy Egemen.kz.
Aldyńǵy rekordtyq tómen kórsetkish bir jyl buryn, 2022 jyldyń aqpanynda tirkelgen, ol kezde 2,27 mıllıon sharshy shaqyrym bolǵan. Qazirgi ýaqytta Antarktıdanyń kóptegen aýdandary, sonyń ishinde Bellınsgaýzena teńiziniń muzy tolyq erip ketken. Ǵalymdar muz aýdany odan da azaıýy múmkin ekenin joqqa shyǵarmaıdy. Sebebi muzdyq qystyń sońyna deıin erýin jalǵastyrady.
Zertteý júrgizgen Alfred Vegener ınstıtýty men Bremen ýnıversıtetiniń ǵalymdary sońǵy alty jylda antarktıkalyq muz qabaty tez ydyraı bastaǵanyn aıtty. Antarktıdanyń tez erýi 2022 jyldyń jeltoqsanynda bastalǵan.
Aıta ketsek, bul qubylys pıngvınderge úlken qaýip tóndiredi. Ǵalymdar 2100 jylǵa qaraı antarktıkalyq pıngvınderdiń úshten ekisi joıylyp ketýi nemese aıtarlyqtaı azaıýy múmkin dep boljap otyr.