23-24 aqpanda Ortalyq saılaý komıssııasynyń músheleri Konstantın Petrov pen Sábıla Mustafına 2023 jylǵy 19 naýryzǵa taǵaıyndalǵan Parlament Májilisi men máslıhattary depýtattarynyń kezekten tys saılaýyn ázirleý men ótkizý máseleleri boıynsha Almaty qalasy, Almaty jáne Jetisý oblystarynda ótken kóshpeli semınar-keńesterge qatysty.
Is-sharalarǵa jergilikti atqarýshy organdarynyń ókilderi, oblys prokýratýralarynyń qyzmetkerleri, aýmaqtyq saılaý komıssııalarynyń músheleri, kandıdattardyń saılaýaldy shtabtarynyń ókilderi, halyqaralyq baıqaýshylar men BAQ ókilderi qatysty.
Ortalyq saılaý komıssııasynyń músheleri qatysýshylarǵa saılaý zańnamasynyń barlyq jańalyǵyn jáne saılaý aldyndaǵy úgitti qarjylandyrý máselelerin túsindirdi, sondaı-aq 29 birmandattyq okrýg boıynsha Májilis depýtattyǵyna kandıdattardy tirkeý boıynsha qorytyndylardy jetkizdi.
Oblys ákimi apparaty basshysynyń orynbasary Baqytgúl Núsipova oblysta barlyǵy 458 saılaý ýchaskesi qurylǵanyn baıandady. Oblys aýmaǵyndaǵy barlyq saılaý ýchaskesi jumysyn bastady. Olardy materıaldyq-tehnıkalyq jaraqtandyrý, onyń ishinde múgedektigi bar adamdar úshin qajetti jaǵdaılardy eskere otyryp sharalar qabyldandy.
Daýys berý kúni múgedektigi bar azamattardy saılaý ýchaskelerine jetkizý úshin «Invataksı» qyzmetiniń 24 avtokóliginiń jumysyn uıymdastyrý josparlanyp otyr. Sondaı-aq túsindirý jumystaryn júrgizý maqsatynda oblystyń barlyq aýdandary men qalalarynda 17 Call-ortalyq, telegram-bot jáne «Saılaýshylar tiziminde ózińdi tekser» onlaın-servısi jumys isteıdi. Táýlik boıy bir ýaqytta 10 qońyraýdy qabyldaı alatyn biryńǵaı baılanys ortalyǵy jumys isteıdi. Qoǵamdyq baıqaýdy biryńǵaı úılestirýdi qamtamasyz etý úshin Jetisý oblysy boıynsha 11 adamnan turatyn úılestirýshilerdiń tizimi jáne «Daýys» qoǵamdyq baıqaýshylar koalısııasy RQB fılıalynan jáne ÚEU seriktesterinen 886 adamnan turatyn táýelsiz baıqaýshylar pýly qalyptastyryldy.
Osy tárizdi jumys Almaty oblysynda da júrgizilip keledi. Ákim apparatynyń basshysy Tólegen Sársembaev oblys turǵyndary ózderiniń saılaý ýchaskesi týraly aqparatty jáne ózderin saılaýshylar tiziminen «Saılaýshylardy izdeý» onlaın-servısinde, telegram-botta, sondaı-aq 10 aýdanda jáne Qonaev qalasynda bar Call-ortalyqtar arqyly teksere alatynyn habarlady.
Búgingi tańda kandıdattardyń saılaýshylarmen kezdesýlerin ótkizý úshin 197 úı-jaı jáne kórneki úgit-nasıhat júrgizý úshin 709 oryn anyqtaldy. Saılaý ýchaskelerinde múmkindigi shekteýli 1353 azamat úshin erekshe jaǵdaı qamtamasyz etilgen. Búgingi tańda 601 ýchaskeniń 595-i pandýstarmen, 390-y kire beriste taktıldi kórsetkishtermen qamtamasyz etilgen.
Budan basqa, daýys berý kezeńinde múgedektigi bar adamdar úshin barlyq ýchaskede buryshtar uıymdastyrylady jáne kabınalar jabdyqtalady, estý qabileti buzylǵan saılaýshylar úshin ym tili mamandary tartylady, sondaı-aq oblys ortalyǵynda jáne barlyq aýdanda daýys berý kúni «Invataksı» qyzmetiniń 18 avtokóligi tartylady.
OSK músheleri barǵan oblystar men Almaty qalasynda aýmaqtyq saılaý komıssııalary úshin naqty keıster negizinde iskerlik oıyn túrinde trenıngter ótkizildi.
Uıymdastyrylǵan oıyn barysynda saılaý komıssııalarynyń músheleri daýys berýdiń barlyq barysyn qamtıtyn ýchaskelerde daýys berý úderisin kórsetti. Olar daýys berý kúni ýchaskelik saılaý komıssııalarynyń daýys berýshilerdi tirkeýden bastap, bıýlletender berý jáne barlyq jumys aıaqtalǵanǵa deıin qalaı jumys isteıtinin kórsetti.
Semınar-keńes sońynda Ortalyq saılaý komıssııasynyń músheleri aýmaqtyq saılaý komıssııalarynyń múshelerin qyzyqtyratyn suraqtarǵa jaýap berdi.