Prezıdent «PetrolValves Kazakhstan» kompanııasynyń jumysymen tanysty, dep habarlaıdy Egemen.kz Aqordanyń baspasóz qyzmetine silteme jasap.
«PetrolValves Kazakhstan» - Qazaqstanda joǵary tehnologııalyq klapandar óndiretin jáne servıstik qyzmet kórsetetin jalǵyz óndiris orny.
Kásiporyn jylyna 500 klapan óndirýdi josparlap otyr. Sondaı-aq atalǵan ortalyq ıtalııalyq seriktestiń patenttelgen Valve New Life baǵdarlamasyna sáıkes, jergilikti munaı-gaz kásiporyndaryna óndiristik prosesten qol úzbeı servıstik qyzmet kórsetedi.
Aldaǵy ýaqytta kásiporyn amerıkalyq munaı ınstıtýtynyń API 6D sertıfıkatyn alýdy jáne keıbir komponentterdi ózimizde óndirýdi, osylaısha ónimniń jergilikti quramyn 2024 jylǵa deıin 75 paıyzǵa deıin jetkizýdi josparlap otyr.
Joba «IMB Sentr» halyqaralyq munaı-gaz salasyndaǵy mashına qurastyrýdy damytý ortalyǵynyń qoldaýymen júzege asyrylyp otyr. Jobaǵa 3 mıllıard teńge ınvestısııa quıylǵan. Qazirgi tańda kásiporynda 43 adam jumys isteıdi. Onyń 37-si – jergilikti turǵyndar.