Astanada kórkem gımnastıka ortalyǵynyń ashylý rásimi ótip, resmı túrde paıdalanýǵa berildi, dep habarlaıdy Egemen.kz elorda ákimdiginiń resmı saıtyna silteme jasap.
Sý jańa ortalyqtyń aýmaǵy 1000 sharshy metrden assa, bıiktigi 14 metrge jýyq. Endi kórkem gımnastıka talaptaryna tolyqtaı saı keshende gımnastshylar jattyǵýlaryn ótkizip, sheberlikterin shyńdaıdy.
Osyǵan deıin qalada tıisti talaptarǵa saı keletin ǵımarat bolmaǵan. Bul máseleni sheshý úshin Táýelsizdik saraıynan ýaqytsha oryn berilgen. Endi kórkem gımnastıka talaptaryna saı keletin jańa ortalyqta emin-erkin daıyndalýǵa bolady.
Jas sportshylar osyǵan deıin jattyqqan Táýelsizdik saraıynda jóndeý júrgizilip, balalar jarystarǵa daıyndyqty ártúrli jerde ótkizýge májbúr bolǵan edi. Endi Astanadaǵy balalar men jasóspirimder osy orynda alańsyz daıyndala alady.
Ortalyqtyń ashylý saltanatyna Astana qalasynyń Dene shynyqtyrý jáne sport basqarmasynyń basshysy Samat Jylqybaev, №1 Balalar men jasóspirimderdiń mamandyrylǵan olımpıadalyq rezerv sport mektebinniń dırektory Saıranbek Ábilqaıyr qatysty.
Qalalyq sport basqarmasynyń basshysy Samat Sábıtuly óz sózinde mektep ujymyn jáne jattyqtyrýshylardy jańa ǵımarattyń ashylýymen quttyqtady.
Aıta keteıik, bul ortalyqtyń ǵımaraty jalǵa alynǵan.