Úndistannyń Dehradýn qalasynda 18 jasqa deıingiler arasynda ITF týrnıri márege jetti, dep habarlaıdy Egemen.kz.
Qazaqstandyq jas sportshylar fınalda bas júldeni ózara bólisti.
Jekeleı synda 15 jastaǵy Albına Kákenova ózinen bir jas úlken Anastasııa Krymkovany 6:1, 6:4 esebimen jeńip, ITF Juniors dodasyndaǵy alǵashqy tıtýlyna qol jetkizdi.
Esesine A.Krymkova juptyq synda fınalda Sátıma Tóregenmen birge A.Kákenova – Arıana Gogýlınadan basym tústi.
Sondaı-aq Beıbit Juqaev Shveısarııanyń Trımbah qalasynda ótken ITF týrnırinde fınalǵa deıin jetip, onda Polsha ókili Kasper Jýkqa ese jiberdi. Esep – 4:6, 4:6.