Polıseıler esirtki zattaryn jasyryp ketýmen aınalysqan Almaty oblysynyń týmasyn ustady. Jigitten mefedron salynǵan 265 túrli-tústi orama tárkilendi, dep habarlaıdy Egemen.kz.
Ol qylmystyq áreketin ótken jyly kýrer retinde bastaǵan. Alty aıdan keıin kúdikti sıntetıkalyq jáne psıhotroptyq zattardy oraýmen aınalysa bastaǵan. Berilgen nusqaýlarǵa sáıkes ol salmaǵy 200 gramnan asatyn iri kólemdegi oramalardy ázirlegen. Jigittiń turǵylyqty jeri boıynsha tintý kezinde «mefedron» degen jazýymen 500 gramm erekshe ıisi bar untaq zat salynǵan úlken paket, tarazy, 400 zip-lock paketteri, 43 túrli tústi ızolenta men qaǵaz japsyrmalar, 105 daıyn esirtki oramdary tárkilendi.