Almatyda tanysynyń kóligin urlaǵan kúdikti ustaldy. Alaıda ustalǵan er adam jedel ýákilderdiń qyzmettik kóliginde ózine qol saldy, dep habarlaıdy Egemen.kz Elorda.info-ǵa silteme jasap.
Almaty qalalyq Polısııa departamentiniń baspasóz qyzmeti bul aqparatty rastady.
Oqıǵa Almatynyń Jetisý aýdanynda boldy. Er adam tergeý tobynyń kóliginde óz-ózine qol jumsaǵan.
«Qaıtys bolǵan 43 jastaǵy I. esimdi azamat tanysynyń «Toıota» avtokóligin urlady degen kúdikpen ustalǵan. Saraptama qorytyndysyna sáıkes, marqum mas kúıde bolǵan. Oqıǵanyń mán-jaıy anyqtalyp jatyr», dep habarlady PD baspasóz qyzmeti.