Senat Tóraǵasy Máýlen Áshimbaev Astana jáne Qazaqstan Mıtropolıti Aleksandrmen kezdesti, dep habarlaıdy Egemen.kz Senattyń baspasóz qyzmetine silteme jasap.
Palata Spıkeri Qazaqstannyń rýhanı ómirinde dástúrli pravoslavıelik hrıstıandyq eleýli ról atqaratynyn atap ótti. Elimizdegi pravoslavtar qoǵamdyq ómirge belsendi aralasyp, halyqtyń birligin bekemdeýge jáne dinaralyq kelisim men beıbitshilikti nyǵaıtýǵa óz úlesterin qosyp kele jatqany da sóz boldy.
Sonymen qatar Senat Tóraǵasy bıyl Álemdik jáne dástúrli dinder lıderleriniń birinshi Sezi ótkizilgenine 20 jyl tolatynyna nazar aýdardy. Ol soǵan baılanysty bıyl 11 qazanda Astanada Sezd Hatshylyǵynyń mereıtoılyq otyrysyn ótkizý josparlanyp otyrǵanyn aıtty. Atalǵan otyrysta Sezdi damytýdyń 2023-2033 jyldarǵa arnalǵan tujyrymdamasy qaralmaq. Qujatty ázirleý Memleket basshysynyń tapsyrmasy boıynsha qolǵa alyndy.
Sondaı-aq kezdesý barysynda rýhanı dıplomatııany odan ári jandandyrý jáne din kóshbasshylarynyń búgingi problemalar men syn-qaterlerdi sheshýdegi róli de suhbatqa arqaý boldy.