Nura aýdanynyń kásipkeri Gúlzada Mahanbetova áleýmettik osal topqa jatatyn bes otbasynyń balalaryna mektepke qajetti kerek-jaraǵyn áperdi. Mundaı sharapatty sharýa aýdanda jyl saıynǵy «Mektepke jol» aksııasy aıasynda ótip turady. Kásipker bastap bergen chellendjdi basqa da aqjúrek azamattar ári qaraı jalǵaýda.
Kəsipkerler az qamtylǵan, kópbalaly otbasylardan shyqqan oqýshylarǵa, jetim balalarǵa, sondaı-aq ata-anasynyń qamqorlyǵynsyz qalǵan kəmeletke tolmaǵan jasóspirimderge materıaldyq kómek kórsetýge nıetti. Bıyl chellendjdi birinshi bolyp kəsipker Gúlzada Mahanbetova ashyp berdi. Ol bes otbasynyń balalaryna mektepke kerek-jaraǵyn alyp bergen. Munymen birge azyq-túlik pen kókónis sebetterin qosa tabystap qýantqan.
– О́zim – kópbalaly anamyn. Meniń bes balam bar. Olardy keıde mektepke daıyndaý qanshalyqty qıyn sharýa ekenin bir adamdaı bilemin. Sondyqtan jyl saıyn kópbalaly, az qamtylǵan otbasylarǵa barynsha kómektesýge tyrysamyn. Osy arqyly aýdan kəsipkerlerin mundaı ıgilikti bastamadan qapy qalmaýǵa əri atalǵan qaıyrymdylyq chellendjin jalǵaýǵa shaqyramyn. Biz yntymaǵymyzdy nyǵaıtyp, asa muqtaj jandarǵa kómektese alatynymyzdy túısinetin ýaqyt keldi. Bizdiń maqsatymyz – múmkindigimizshe kóp otbasyn qamtý, – deıdi Gúlzada.
Aksııany Nura aýdanynyń kəsipkerlik bólimi de qoldady. Chellendj jergilikti kəsipkerler arasynda qyzý qoldaý tapty. Olar ıgi bastamany əri qaraı jalǵastyrýǵa daıyn.
Qaraǵandy oblysy,
Nura aýdany