Amandyq bolsa, aımaǵymyzda 458 myń sıyr, 696 myń qoı-eshki, 312 myń jylqy qysqa kiredi. Arqanyń alty aı qysynan bul maldy kúıli shyǵarý úshin 1,9 mln tonna shóp qajet. Qazir shabyndyqtaǵy sharýa da, astyqty alqaptaǵy naýqan da qyzý. 994 myń gektar jerden astyq jınalady. Arzandatylǵan dızel otynynyń qory da jetkilikti.
Oblystaǵy Aýyl sharýashylyǵy basqarmasy basshysynyń mindetin atqarýshy Syrym Boshpanov qazirdiń ózinde 1 mln 420 myń tonna shóp jınalǵanyn aıtady. Mal azyǵyn daıyndaý jumystaryn pysyqtaý maqsatynda arnaıy toptar qurylǵan. Mamandar orman qoryndaǵy jerlerdi de fermerlerge úlestirip jatyr. Shóp shabý naýqanyna 3,1 myń tonna dızel otyny berilipti. Bıyl shóptiń bir tonnasy shamamen 35 pen 55 myń teńge aralyǵynda saýdalanyp jatyr. Qurǵaqshylyq biraz sharýanyń qolyn baılap tur. Degenmen mal basyn qysqy kezeńge jem-shóppen tolyq qamtamasyz etý úshin qosymsha 300 tonna saban ázirlenýde. Jemshóp qunyn arzandatý úshin 727 sharýa qojalyǵyna sýbsıdııa berilgen. Qarajattyń kólemi 801 mln teńgeni quraıdy. Mundaı qaıtarymsyz qarajat usaq malǵa da qarastyrylǵan. О́tinim qyrkúıekten bastap qabyldanady.
Astyq 994 myń gektardan jınalady. Bul kólem byltyrǵy deńgeıden 74,4 myń gektarǵa artyq. Mundaǵy 813,4 myń gektarda – bıdaı, 160,4 myń gektarda – arpa, 13,7 myń gektarda – suly. Kún raıy qolaıly bolǵan jaǵdaıda egin oraǵy 20 jumys kúni ishinde aıaqtalady dep kútilýde. Búginde Abaı, Buqar jyraý jáne Shet aýdandarynyń jekelegen sharýashylyqtary astyq jınaý jumystaryna kiristi. Jospar boıynsha jappaı astyq jınaý 1 qyrkúıekten bastalady.
«Búginde dándi daqyldardyń ósimi jaqsy. Qýrap qalǵan mólsherdi esepteı otyryp, 6,3 myń gektar esepten shyǵaryldy. Aldyn ala derekter boıynsha ortasha ónimdilik gektaryna 9,5 sentner bolǵanda, astyqtyń jalpy túsimi 940,4 myń tonna kóleminde bolady dep kútilýde», deıdi S.Boshpanov.
О́ńirde syıymdylyǵy 145 myń tonnalyq 4 lısenzııalanǵan jáne 82,6 myń tonnalyq 3 lısenzııasyz astyq qabyldaý kásiporny daıyn. Buǵan qosa sharýashylyqtarda syıymdylyǵy 854,4 myń tonnany quraıtyn 546 astyq saqtaý qoımasy bar. Sonymen qatar sharýashylyq qurylymdarymen 29,6 myń gektardan maıly daqyl, 11 636 gektardan kartop (byltyrmen salystyrǵanda 129 gektarǵa artyq) jáne 1 321 gektardan kókónis (byltyrmen salystyrǵanda 114,4 gektarǵa kem) jınalady.
Kúzgi dala jumystaryna bólingen arzandatylǵan dızel otynynyń jalpy kólemi – 21,2 myń tonna. «Munaı – Company» JShS jáne «Turmanov»JK operatorlary shilde aıyna bólingen 4 myń tonna dızel otynynyń lıtrin 270 teńgeden satty. Tamyz aıynan bastap 250 teńgege tústi.
Qaraǵandy oblysy