Qaraǵandy oblysynda bıyl jemshóp qory mol dep aıta almaımyz. Qýańshylyqtyń kesirinen kóp sharýa tek qystyq mal azyǵyn ǵana jınap úlgerdi. Sondyqtan bolar, shóp baǵasy sharyqtap tur.
Qaraǵandynyń dál irgesindegi Abaı aýdanynda bir oramnyń baǵasy – 15 myń teńge. Al 20-25 kg túk shóp – 1200-1500 teńge.
Shet aýdanynda 200-250 kg oramnyń quny 12-14 myń teńgeniń aralyǵynda. Shópti tonnalap 30-35 myń tg kóleminde saýdalaıdy.
Nuradaǵy sharýashylyqtar shóp tonnasyn 25-35 myń tg aralyǵynda ótkizip jatyr. 300 kg-lyq oram 14 myńnan, al ekpe shóp 16 myńnan.
Aqtoǵaı aýdanynda oramnyń baǵasy daladan tıep alsa – 13 myń tg, úıge deıin jetkizip berse – 15 myń tg. Al túk shóp 1000-1200 teńgeden.
Tonnalap saýdalanǵan qunary mol kók shóptiń baǵasy 30 myńnan joǵary.
Oblystaǵy sharýashylyqtardyń baǵasy osyndaı. Shóptiń qunaryna, ony jetkizý joldyń shaqyrymyna baılanysty baǵanyń da ózgeretin aıtady sharýalar.