Armenııanyń Erevan qalasynda 16 jasqa deıingi jasóspirimder arasynda álem chempıonaty ótip jatyr. Elimizdiń qyzdar quramasy tolaıym tabysqa jetip, 3 altyn, 5 qola medal oljalady, dep habarlaıdy Egemen.kz.
54 keli salmaq dárejesinde Aıajan Sydyq úndistandyq Amısh Kerkettany aıqyn utty, bes tóreshi de jerlesimizdiń basym túskenin baǵamdady. 60 keli salmaqta Tolǵanaı Qasymhan Reseı boksshysy Kıra Leonovany toqtatyp, altyn medalǵa ıe boldy. 66 keli salmaqta Aısulý Muhıt rýmyn boksshysy Amalıa Týgýıdi jeńip, álem chempıony atandy.
Dúnıe chempıonatynyń qola medalin Sıla Bıbolsynqyzy (48 keli), Gaýhar Zárden (50 keli), Aısha Sarıeva (52 keli), Alına Qudaıgenova (63 keli), Quralaı Eginbaıqyzy (80 keli) ıelendi.
Erler arasynda 54 keli salmaqta synǵa túsken Nurasyl Tólebek fınaldyq jekpe-jekti búgin ótkizip, úndistandyq Jatınmen aıqasady.