22 jeltoqsan kúni saǵat bir shamasynda Rýdnyıdyń Korchagın kóshesinde Toıota júrgizýshisi polısııa beketiniń janyndaǵy múgedekterge arnalǵan turaq belgisiniń janynda toqtaǵan. Zań buzýshylyqty eskertpek bolǵan polıseıdi júrgizýshi kólik kapotynda súırep áketken, dep jazady Egemen.kz Polisia.kz-ke silteme jasap.
Jol qozǵalysy erejelerin buzǵanyn baıqaǵan patrýldik polısııa qyzmetkeri kólikke jaqyndap, júrgizýshige eskertý jasaǵan. Alaıda júrgizýshi dórekilik kórsetip, qyzmetkerdiń zańdy talaptaryn elemeı, oqıǵa ornynan qashýǵa tyrysqan.
Polısııa qyzmetkeri kóliktiń qozǵalysyna kedergi keltirgenine qaramastan júrgizýshi kólikti júrgizýin toqtatpaǵan. Ol polısııa qyzmetkerin 50 metrge deıin kapottyń ústinde súırep, belgisiz baǵytqa qashyp ketken. Júrgizýshiniń jeke basy dereý anyqtaldy. 35 jastaǵy Rýdnyı qalasynyń turǵyny ustalyp, jergilikti polısııa basqarmasyna jetkizildi. Oqıǵanyń mán-jaıy anyqtalyp jatyr, Kúdiktige QR QK-niń 380-baby 3-bóligi boıynsha (Bılik ókiline qatysty qorqytý nemese kúsh kórsetý áreketteri) boıynsha tórt jylǵa deıin bas bostandyǵynan aıyrý jazasymen qylmystyq jaýapkershilik júkteledi.
Polısııa departamenti jaǵdaıdy obektıvti baǵalaý úshin polısııa qyzmetkeriniń is-áreketine qatysty qyzmettik tergeý taǵaıyndalǵanyn atap ótti.