Kún raıynyń kúrt nasharlaýy saldarynan Jýaly aýdanynda iri jol-kólik apaty oryn alyp, saldarynan 19 adam zardap shekti, dep habarlaıdy Egemen.kz.
Oblystyq tótenshe jaǵdaılar departamenti taratqan málimetke sensek, «Almaty – Tashkent» respýblıkalyq mańyzy bar jolynyń 567 shaqyrymynda avtobýs pen jeńil jáne júk tasıtyn avtokólik soqtyǵysqan. Jol kólik oqıǵasy saldarynan Baýyrjan Momyshuly aýylyndaǵy aýdandyq aýrýhanaǵa 19 adam jetkizilgen, onyń ishinde 1 bala bar. TJD qyzmetkerleriniń judyryqtaı jumylýymen qysylyp qalǵan adamdardy qutqarý jumystary júrgizilgen.
Derekke sensek, qaza bolǵandar joq. Qazirgi kezde Nurlykent aýylyndaǵy mádenıet úıiniń jylytý pýnktine 39 jolaýshy ornalastyrylǵan, onyń ishinde 8 bala bar.