Bul qyzmetti Aıbek Dádebaev atqaratyn boldy, dep habarlaıdy Egemen.kz Aqorda baspasóz qyzmetine silteme jasap.
«Memleket basshysynyń Jarlyǵymen Aıbek Arqabaıuly Dádebaev Qazaqstan Respýblıkasy Prezıdenti Ákimshiliginiń Basshysy bolyp taǵaıyndaldy, ol burynǵy atqarǵan laýazymynan bosatyldy», delingen resmı habarlamada.
Aıbek Dádebaev 1980 jyly 1 sáýirde Almaty qalasynda dúnıege kelgen.
2001-2002 jyldary Qazaq memlekettik halyqaralyq qatynastar jáne álem tilderi ýnıversıtetiniń halyqaralyq týrızm menedjmenti kafedrasynda oqytýshy bolǵan.
2008-2011 jyldar aralyǵynda Qazaqstan Respýblıkasy Parlamenti Senaty Apparatynyń parlamentaralyq baılanys jáne halyqaralyq yntymaqtastyq bóliminiń sarapshysy, Senat tóraǵasynyń kómekshisi mindetin atqarýshy bolyp jumys istedi.
2011-2013 jyldar aralyǵynda attashe, Jenevada Qazaqstan Respýblıkasynyń BUU-daǵy turaqty ókildiginiń úshinshi hatshysy bolǵan.
Odan keıin alty jyl Parlament Senaty tóraǵasy hatshylyǵy meńgerýshisiniń orynbasary, meńgerýshisi laýazymdaryn atqarǵan.
2019-2021 jyldar aralyǵynda Prezıdent Keńsesi bastyǵynyń orynbasary boldy.
2021 jylǵy 28 mamyrdan bastap 2022 jylǵy 11 qańtarǵa deıin Prezıdent Is Basqarýshysynyń orynbasary laýazymynda qyzmet atqardy.
2022 jylǵy qarashadan bastap QR Prezıdentiniń Is Basqarýshysy qyzmetin atqardy.