Mindeti – minsiz qyzmet

7 aqpan kúni Aqtoǵaı aýdany ortalyǵynan shalǵaı jatqan Aıyrtas aýylynda kúndizgi saǵat eki shamasynda áıel balasymen boran kezinde úıden shyǵyp, odan qaıtyp oralmaǵan.

Dáp osy kúnniń túninde týys­tarynan joǵalǵany týraly habar alǵannan keıin biraq jer­gilikti qutqarýshylar qyzmetine kirisken. Borandy túni adam izdeý bylaı tursyn, aıaq alyp júrýdiń ózi múmkin emes sharýa. Biraq aqtoǵaılyq qut­qarý­shylar aýyl jurtymen birge alań­dap, aman-esen tabýdy maqsat tutady.

Mine, sóıtip 1993 jylǵy áıel men 2017 jylǵy jas balany tańǵy 08.50-de bir-aq tabady. Aıyr­tas aýylynyń batys bóli­gine qaraı 6 shaqyrym jerden tabylyp, birden aýdandyq ortalyq aýrý­hanaǵa jetkiziledi. Qazir jaǵ­daı­lary qalypty, qajetti dári-dár­mek berilip, em-dom jasaldy.

О́z kezeginde, týystary, aýyl jurty qutqarýshylardyń túni boıǵy tynymsyz eńbegine aıryqsha alǵys aıtty.

Mine, eldiń osyndaı shyn­peıil tilegin alý – minsiz qyz­met­tiń naq ózi.

Munymen qosa, Buqar jyraý aýdanynda birneshe kólik qar qursaýynda qalyp qoıdy. Tóten­she jaǵdaılar qyzmeti kólik­terin súırep shyǵaryp berip, polı­sııa qyzmetkerleri jol bas­tap, dittegen jerlerine aman jet­kizdi.

Osyndaı jaǵdaı Qaraǵandy – Temir­­taý tasjolynda da jıi bolady.

Tótenshe jaǵdaılar depar­ta­mentiniń qyzmetkerleri sol jolda qalyp qoıǵan №107 mar­shrýt­tyq avtobýstyń 30 jolaýshysyn qalaǵa jetkizdi.

Osy rette, polıseılerdiń de jolaýshylar amandyǵy dep shapqylaýmen bolǵanyn atap ótýimiz qajet-ti. Qyzmettik kólik­­terimen qarǵa batyp qalǵan bir­neshe tehnıkany súırep shyǵardy. Bir-birine jany ashyǵan jolaýshylar da kómek qolyn sozyp jatty. Osyndaı qıyn-qystaý kezeńde eshteńeden qaımyqpaı eldigimizdi kórsettik, erligimizdi de pash ettik. Ásirese áleýmettik jelilerge jarııa­lanǵan jazba­lardan tóten­she jaǵdaılar departamenti men polı­sııa qyzmetkerlerine degen kóptiń yqylas-peıilin anyq ańǵa­rýǵa bolady.

Qaraǵandy oblysy