Almaty qalasynyń órt sóndirýshi qyzmetkerleri órtenip jatqan kópqabatty úıden 17 adamdy qutqardy, dep habarlaıdy Egemen.kz.
Tótenshe jaǵdaılar mınıstrliginiń málimetinshe, 19-nan 20 aqpanǵa qaraǵan túni megapolıstiń Bostandyq aýdanyndaǵy О́tepova kóshesindegi 13 qabatty turǵyn úıdiń ekinshi qabatyndaǵy páterde órt shyqqan. О́rt sóndirýshiler 17 azamatty evakýasııalady. О́rt shamamen bir saǵatta sóndirildi. Qurbandar men zardap shekkender joq.
Oqıǵa ornynda 35 adam, 11 tehnıka jumyldyrylyp, qalalyq tótenshe jaǵdaılar qyzmeti jumys istedi.