Jambyl oblysynyń polısııa qyzmetkerleri 112 nómirine qońyraý shalyp, kómekke muqtaj ekenin habarlaǵan eki kámeletke tolmaǵan jasóspirimdi anyqtady, dep habarlaıdy Egemen.kz.
Jańylystyrý úshin qońyraý shalǵan balalar: «Biz Aqtóbe qalasyndamyz» dep jalǵan aqparat taratqan.
Polıseılermen áńgimelesý barysynda oqýshylar polısııa qyzmetkerleriniń qalaı jumys isteıtinin tekserý úshin ázil retinde qutqarý qyzmetine qońyraý shalǵanyn aıtty.
Jasóspirimderdiń ata-analaryna qatysty QR ÁQBtK-niń 438-baby «Arnaýly qyzmetterdi kórineý jalǵan shaqyrý, 14 jastan 16 jasqa deıingi kámeletke tolmaǵandar jasaǵan is-áreketter» boıynsha ákimshilik hattamalar toltyrylyp, 30 AEK (110 760 teńge) mólsherinde aıyppul salyndy. Osylaısha ázilqoı balalardyń ata-analary aıyppul arqalap otyr.