Aýylǵa qamqor azamat

Nurlan Aıtmuhambetuly – búginde beldi kásipker. «Abadan» sport klý­by­nyń basshysy. Qara­ǵan­dy qala­synda «Ba­rakıat» meıramhanasy, qurylys sa­la­syna ma­mandanǵan seriktestigi de bar.

Atymtaı azamat aýylynan aıanyp qalǵan emes. Qarqaraly aýda­nynyń Qoıan­­dy aýylynda júz adam syıatyn me­shit turǵyzyp, ha­lyq ıgiligine usyn­ǵaly birneshe jyl boldy. Aýyldyń balala­ryna arnap shaǵyn fýtbol alańy men «Bo­lashaq» balalar oıyn alańyn tartý etti.

Jetimin jylatpaǵan elmiz ǵoı. Osy­ny qatań qaǵıdat sanaǵan ol Qoıandy aýy­lynda on bólmeli, tur­mystyq qajet­tilikterimen qamta­masyz etilgen baspana salyp, balalar úıinen segiz bala asyrap aldy.

– Jyl saıyn «Aýyl kúnin» ótkizýdi dástúrge aınaldyrdyq. Qazaqtyń atyn búkil álemge tanytqan Qoıandy budan da zor qurmetke laıyq dep oılaımyn, – deıdi Nurlannyń ózi.

Ol osy sharýanyń bárin Qara­ǵandyda júrip-aq tyndyryp júr.

– Bul sharýalardy elden maqtaý estý úshin jasamaımyn. Bar maqsatym – týǵan elime az da bolsa, paıdamdy tıgizý. Bala­lardyń tárbıesi men kúnkórisine, oqýǵa túsýine, otbasyn qurýyna, bas­panaly bolýyna qolymnan kelgenshe kómek kórsetemin. Eń bastysy – týǵan aýylymnyń irgesi sógilmeı, berekesi arta berse bolǵany, – deıdi N.Qaltaev.

Buǵan qosa kásipker Qazaq handy­ǵynyń 550 jyldyq toıyna oraılastyryp, 130 túp alma aǵashyn otyrǵyzyp, baý-baqshanyń qaq ortasynan sýburqaq ornatyp bergen.

Nurlan Aıtmuhambet­uly­nyń esim-soıyn el-jurt «Abadan» klýbynyń negizin qalaýshy retinde jaqsy tanıdy. «Qazaq qasqyr áýeginiń kósemin abadan deıdi eken. Kókjal sekildi top­tyń aldynda bolaıyq dep osy ataý­dy tańdadyq», deıdi. Bul – jekpe-jek sportynyń jat­tyǵý zaly. Klýbta UFC jekpe-jegin ótkizetin sharshy alań, jattyǵýǵa qajetti sport jab­dyqta­rynyń túr-túri bar. Kásip­ker osy arqyly qazaq bala­larynan bolashaq chempıondardy daıarlap júr.

Aýylǵa qamqorlyq – elge qam­qor­lyq. Ultqa osyndaı qyz­met etip júr­gen Qaltaevtyń bul biz biletin qaıy­rymdy isi ǵana.

Qaraǵandy oblysy