Tótenshe jaǵdaılar vıse-mınıstri Baýyrjan Syzdyqov Batys Qazaqstan oblysynda pyshaq jaraqatyn alǵan qutqarýshynyń jaǵdaıy týraly aıtyp berdi, dep jazady Egemen.kz.
26 jastaǵy qutqarýshy Batys Qazaqstan oblysynyń Jalpaqtal kentiniń mańynda sý tasqynyna qarsy is-sharalardy ótkizý kezinde pyshaq jaraqatyn alǵan.
«Qudaıǵa shúkir, bizdiń qyzmetker qazir aýrýhanada, jaǵdaıy turaqty. Dárigerler qyzmetkerdiń jaǵdaıy qalypty ekenin aıtty. Zań buzýshylar ustaldy, olar óz kinásin moıyndady», dedi B.Syzdyqov.
Brıfıng barysynda mınıstrdiń orynbasary qutqarýshyǵa shabýyl jasaǵan jergilikti turǵyndardyń ózderi janjal shyǵarǵanyn aıtty.
«Bizdiń qutqarýshylar ózen jaǵasynda turyp, adamdardy bir jaǵalaýdan ekinshi jaǵalaýǵa qaıyqpen alyp ketti. Eki jergilikti turǵyn olarǵa jaqyndap, janjal shyǵara bastaǵan. Eki mas kúıindegi adam tóbeles shyǵaryp, qutqarýshyny pyshaqtap ketken», dedi vıse-mınıstr.
Eske salaıyq, buǵan deıin Batys Qazaqstan oblysynda qutqarýshyny pyshaqtap ketkenin habarlaǵan edik.
Qyrmyzy JUMAǴALIQYZY,
EUÝ stýdenti