Almatyda tabıǵat aıasynda káýap pisirgen týrıster 1,4 mln teńge kóleminde aıyppul tóledi, dep habarlaıdy Egemen.kz.
Almaty qalalyq TJD qyzmetkerleri Ile-Alataýy memlekettik ulttyq parkiniń qyzmetkerlerimen birlesip reıd júrgizdi. Nátıjesinde órt qaýipsizdigi erejelerin óreskel buzǵan ondaǵan demalýshylar anyqtaldy. Mamyr aıynyń basynan beri Ile-Alataýy ulttyq tabıǵı saıabaǵynda ot jaqqan tórt tártip buzýshyǵa 1,4 mıllıon teńge aıyppul salyndy.
«28 mamyrda MUTP aýmaǵynda Bostandyq aýdany TJB qyzmetkerleri Ile-Alataý ulttyq tabıǵı parkiniń, tabıǵat qorǵaý polısııasynyń qyzmetkerlerimen birlesip, patrýlge shyqty. Nátıjesinde ulttyq tabıǵı parktiń aýmaǵynda ot jaǵý faktisi anyqtaldy. 30 jastaǵy er adam jastarmen birge ruqsat etilmegen jerde káýap daıyndaý úshin ot jaqqan», dedi qalalyq TJD ókili.
Vedomstvo erekshe qorǵalatyn tabıǵı aýmaqtardaǵy órt qaýipsizdigi men sanıtarlyq erejelerdiń talaptaryn buzý (QR ÁQBtK 367 - baby) Jeke tulǵalarǵa 100 AEK (369 200 teńge), laýazymdy adamdarǵa, shaǵyn kásipkerlik sýbektilerine nemese kommersııalyq emes uıymdarǵa 250 AEK (923 myń teńge) mólsherinde aıyppul salynatynyn eskertti.
Qyrmyzy JUMAǴALIQYZY,
EUÝ stýdenti