Jol-kólik oqıǵalaryn taldaý barysynda osy jyldyń bes aıynda elordada jol-kólik oqıǵalary edáýir óskeni baıqaldy, dep habarlaıdy Egemen.kz.
Kóp jaǵdaıda júrgizýshilerdiń kinásinen jaıaý júrginshilerge, sonyń ishinde jaıaý júrginshiler ótkelderi men trotýarlarǵa soqtyǵysý faktileri kezdesedi.
Máselen, ótken jyldyń tamyz aıynda Qabanbaı batyr dańǵylymen kele jatqan Chevrolet Cruze júrgizýshisi baǵytyn oń jaq shetki jolaqqa aýystyryp, sol baǵytta kele jatqan Kia Rio kóligimen soqtyǵysqan. Saldarynan Chevrolet Cruze júrgizýshisi trotýarǵa shyǵyp ketip, jaıaý júrginshini qaǵyp ketti. Jol apaty nátıjesinde jaıaý júrginshi alǵan jaraqattarynan kóz jumdy.
Sotqa deıingi tergeý barysynda qajetti saraptamalar kesheni taǵaıyndalyp, onyń qorytyndysymen júrgizýshi kelispedi. Osyǵan baılanysty onyń ótinishi boıynsha qosymsha saraptama taǵaıyndaldy.
Abaısyzda adam ólimine ákep soqqan jol qozǵalysy erejelerin buzý faktisi boıynsha Chevrolet Cruze avtokóliginiń júrgizýshisine qatysty sotqa deıingi tergeý júrgizilip, onyń nátıjeleri boıynsha prosestik sheshim qabyldanady.
Qyrmyzy JUMAǴALIQYZY,
EUÝ stýdenti