Fransııanyń eki azamaty Qazaqstandaǵy Baıqońyr ǵarysh aılaǵynyń aýmaǵyna zańsyz kirýge tyrysqan. Jolda aptap ystyqtan olardyń biriniń jaǵdaıy kúrt nasharlap, kóz jumdy, dep habarlaıdy Egemen.kz.
Eki sheteldik «Býran» ǵarysh kemesin kórgisi kelgen.
«Bir kún buryn Fransııanyń eki azamaty ǵarysh aılaǵynyń aýmaǵyna zańsyz kirýge tyrysty. Olar kózdegen nysandaryna jol arqyly jetýge bel býǵan. Alaıda jolda bireýiniń jaǵdaıy kúrt nasharlady», delingen jazbalarda.
Ekinshi azamat dosyna kómek shaqyrý úshin jolǵa qaraı júgirgen. Alaıda bul kezde onyń dosy mert bolǵan.
Derekterge súıensek, oqıǵa bolǵan kúni Baıqońyrda aýa temperatýrasy +36 gradýs bolǵan.