Atyraý oblysynda eki kólik soqtyǵysyp, saldarynan 2 adam qaıtys boldy. Jol apatynan qaıtys bolǵandardyń erli-zaıypty ekeni belgili boldy. Bul týraly Atyraý oblystyq Polısııa departamentiniń baspasóz qyzmetinen málim etti, dep habarlaıdy Egemen.kz.
Oblystyq polısııa departamentiniń málimetinshe, jol kólik oqıǵasy 12 maýsym kúni bolǵan.
«Kúndizgi saǵat 14:50 shamasynda Atyraý-Aqtóbe tasjolynyń 454-shaqyrymy tusynda eki kólik soqtyǵysty. Jol apatyna ushyraǵan kóliktiń biri – Kia Rio, ekinshisi – DAF júk kóligi. Jol-kólik oqıǵasynyń saldarynan Kia Rio avtokóliginiń eki jolaýshysy oqıǵa ornynda qaza tapty», delingen habarlamada.
Jol apatyna baılanysty polısııa qyzmetkerleri jol-kólik oqıǵasyna baılanysty tıisti is qujattaryn jınaqtaýǵa kiristi.
«Mundaı jol-kólik oqıǵasynyń basty sebebi arnaıy erejeni saqtamaýdan týyndaıdy. Atalǵan jol-kólik oqıǵasy týraly aıtatyn bolsaq, Kia Rio avtokóliginiń júrgizýshisi sońǵy 1 jyl ishinde 4 ret jyldamdyqty asyryp, jol erejesin buzǵany anyqtaldy. Osyndaı sebepke baılanysty kólik júrgizýshilerinen jol erejesin qatań saqtaýdy suraımyz», delingen PD málimetinde.