Búgin túnde bokstan 80 kelide Nurbek Oralbaı Olımpıada altyny úshin aıqasady, dep jazady Egemen.kz.
Nurbek Oralbaıdyń fınaldaǵy qarsylasy − ýkraınalyq Oleksandr Hıjnıak. Jekpe-jek túngi saǵat 01: 51-de bastalady dep josparlanǵan.
80 keli salmaq dárejesinde Olımpıada altyny sarapqa salynatyn básekeni «Habar» arnasy tikeleı efırde usynady.
Aıta keteıik, Qazaqstan bokstan erler quramasy tolyq quramda Olımpıadaǵa attanǵanmen, fınalǵa tek Nurbek Oralbaı jetti. Al qyzdar quramasy sapynan Nazym Qyzaıbaı (50 kg) jartylaı fınalda qytaılyq Vý Iý-ǵa ese jiberip, qola medal qanjyǵalady.