Búgin Úkimet otyrysynda Premer-mınıstrdiń birinshi orynbasary Roman Sklıar ekonomıkanyń naqty sektoryn damytý boıynsha ózekti máselelerdiń oryndalý barysyn baıandady, dep jazady Egemen.kz.
Roman Sklıardyń málimdeýinshe, 2023 jyldyń qorytyndysy boıynsha halyqtyń 60 paıyzy gazben qamtylǵan. Osy jyldyń sońyna deıin 300 myńnan astam adam gazben qamtylmaq. Mejeni oryndaý úshin 1 myń 700 shaqyrymnan astam gaz jelilerin jańǵyrtýǵa 194 mlrd teńge bólingen.
- «Beıneý – Bozoı – Shymkent 2», «Aqtóbe – Qostanaı» jáne «Taldyqorǵan – Úsharal» gaz qubyrlaryn salýǵa daıyndyq jumystary júrgizilip jatyr, - dedi R.Sklıar.
Sonymen qatar Qashaǵanda qýaty 1 jáne 2 jarym mlrd tekshe metr bolatyn 2 zaýyt salynyp jatyr. Zaýyttar 2026 jáne 2030 jyldary paıdalanýǵa beriledi dep josparlanyp otyr.
«Qarashyǵanaqta qýaty 4 mlrd tekshe metr bolatyn gaz óndirý zaýytyn 2028 jyly iske qosý josparlanyp otyr. Búginde áleýetti merdiger anyqtaldy. Jańaózende gaz óńdeý zaýyty boıynsha PSD ázirleý bastaldy, dala jumystary júrgizilip jatyr. 2027 jyly qoldanysqa engizý josparlanyp otyr», dedi Premer-mınıstrdiń birinshi orynbasary.