Aqtóbe turǵyny polıseı bolyp kıinip, ótip bara jatqan adamdardy tonaǵan. Bul týraly Egemen.kz jergilikti basylymǵa silteme jasap habarlaıdy.
Birinshi jaǵdaıda ol kóshede ketip bara jatqan er adamǵa jaqyndap, ózin polısııa qyzmetkeri retinde tanystyryp, qujattaryn kórsetýdi suraǵani. Beıtanys adam qorqyp ketip, qolynda qujattary bolmaǵandyqtan, telefony arqyly sıfrlyq kýáligin kórsetken. Jalǵan polısııa qyzmetkeri qujatty kórý úshin telefondy qolyna alyp, ary qaraı qashyp ketken.
Taǵy bir jaǵdaıda, ótip bara jatqan adamnan qymbat symsyz qulaqqaptaryn kóredi. Ol ózin sol ssenarıı boıynsha polısııa qyzmetkeri retinde tanystyryp, dál osyndaı qulaqqaptar buryn urlanǵanyn aıtady da imei kodyn salystyrýdy suraıdy. Sodan ol polısııa bólimine barýdy usynady, biraq jolda taksıge qońyraý shalyp, qashyp ketýge tyrysty. Qulaqqap ıesi jalǵan polıseıdiń áreketin túsinip, júrgizýshiden toqtaýyn ótinedi, alaıda ury qashyp úlgeredi.
Degenmen jalǵan polısııa qyzmetkeri kóp uzamaı qolǵa tústi. Sot er adamdy zańsyz áreketi úshin bes jylǵa bas bostandyǵynan aıyrdy.