Aqmola oblysynda asa iri mólsherde alaıaqtyq jasaǵan qylmysker ustaldy, dep habarlaıdy Egemen.kz.
Habarlanǵandaı, 2024 jylǵy 18 qyrkúıekte Aqmola oblysy prokýratýrasynyń úılestirýimen Selınograd aýdany polısııa bóliminiń qyzmetkerleri alaıaqtyqtyń 47 epızodyn jasap, izdeýde júrgen «A» azamatyn qolǵa túsirgen.
«2024 jyldyń qańtar aıynan bastap kúdikti Astana qalasy men Aqmola oblysynyń turǵyndaryn aldaý jáne senimin teris paıdalaný jolymen 90 mln teńgeni ıemdengen», delingen habarlamada.
Qazirgi ýaqytta kúdikti tergeý ızolıatorynda otyr. Kúdiktiniń múlki tárkilenip, oǵan 10 jylǵa deıingi merzimge bas bostandyǵynan aıyrý túrindegi jaza taǵaıyndalýy múmkin.