Astanada kópqabatty úıdiń janynan 19 jastaǵy jigittiń máıiti tabylǵan. Marqumnyń anasy áleýmettik jelide úndeý jarııalaǵan, dep habarlaıdy Egemen.kz.
Vıdeoda marqumnyń anasy balasyn belgisiz bireýler óltirip ketkenin aıtqan.
«Tórt adam 19 jasar ulymdy óltirip, toǵyzynshy qabattan laqtyryp jiberdi. Zań qaıda? Bulaı jalǵasa berse, elimizde jastar qalmaıdy. Tórt balam bar. Balam temeki shekpegen, ishpegen. Ol akademııada oqydy. Al qazir ony iship otyrǵandaı etip kórsetkisi keledi. Men kinálilerdiń zań boıynsha jazalanǵanyn qalaımyn», dedi marqumnyń anasy.
Qalalyq Polısııa departamentiniń málimetinshe, 13 qazanda kópqabatty úıdiń janynan 19 jastaǵy jasóspirimniń máıiti tabylǵan. Marqumnyń jeke basy anyqtalyp, adam ólimi boıynsha qylmystyq is qozǵalǵan.