Almatydaǵy Ál-Farabı dańǵylynyń boıynda iri jol apaty bolǵan. Apat saldarynan úsh kólik pen birneshe adam zardap shekken, dep habarlaıdy Egemen.kz.
Jergilikti polısııa qyzmetiniń habarlaýynsha, jol-kólik oqıǵasy búgin saǵat 00:50-de Almatynyń Medeý aýdanynda bolǵan.
«Toyota Camry kóliginiń júrgizýshisi Ál-Farabı dańǵylymen batys baǵytta kele jatyp, Meńdiqulov kóshesiniń qıylysynda rýldi basqara almaı, sol baǵytta kele jatqan Leksýs kóligimen soqtyǵysqan. Keıin Toyota Camry kóligi qarsy qozǵalys jolaǵyna shyǵyp ketip, dańǵyl boıymen shyǵys baǵytta kele jatqan BMW kóligimen soqtyǵysqan», dep habarlady Almaty polısııasynyń baspasóz qyzmeti.
Nátıjesinde, apat saldarynan bes adam medısınalyq kómekke júgingen, onyń ishinde Toyota Camry kóliginiń júrgizýshisi bar.
Medeý aýdandyq ishki ister bóliminiń qyzmetkerleri jol-kólik oqıǵasynyń mán-jaıyn anyqtaýǵa kirisken.