Qaraǵandy oblysyna qarasty aýyldarda bıyl 14 jańa medısınalyq nysan ashyldy, dep habarlaıdy Egemen.kz.
Bul jaıly Ortalyq kommýnıkasııalar qyzmetiniń alańynda ótken brıfıngte Qaraǵandy oblysynyń ákimi Ermaǵanbet Bólekpaev baıandady.
«Prezıdent medısınalyq qyzmet kórsetý sapasyn arttyryp, ár naýqasqa erekshe kóńil bólip, densaýlyq saqtaý júıesin qaıta qurý mindetin qoıdy. Jyl sońyna deıin aýyldyq jerlerde taǵy 27 medısınalyq nysan ashylady. Al kelesi jyly 51 densaýlyq saqtaý mekemesi boı kóteredi. Temirtaý men Balqash qalalaryndaǵy eki aýrýhana qaıta jańǵyrtylǵannan keıin aýdanaralyq aýrýhanaǵa aınalady. Bul oblys turǵyndaryna medısınalyq kómek qoljetimdi bolady degen sóz», dedi aımaq basshysy.
Aımaqtaǵy bilikti medısınalyq kadrlarǵa qoldaý kórsetilip jatyr. Sońǵy eki jylda 236 medısına qyzmetkeri baspanaly boldy. Memleket tarapynan berilgen járdemaqy kómeginiń mólsheri 1,5 mıllıonnan 8,5 mıllıon teńgege deıin artty. Búginde 63 mamanǵa qoldaý kórsetildi. Jyl sońyna deıin taǵy 20 medısına qyzmetkerine kómek kórsetý josparlanyp otyr.
Pýlmonologııa, kombýstıologııa jáne kardıologııaǵa arnalǵan qural jabdyqtar satyp alýdy «Qazaqstan halqyna» qory qarjylandyrady.