Olardyń qatarynda jergilikti atqarýshy organdardyń ókilderi, jol paıdalaný bóliminiń basshylary men QTJ jol ýchaskeleriniń basshylary bar, dep habarlaıdy Egemen.kz.
Oblystyq Polısııa departamentiniń habarlaýynsha, polıseıler reıd júrgizip, qysqy joldardyń jaǵdaıyn teksergen. Tekseris kezinde jol bóligin qardan ýaqytyly tazartýǵa, kóktaıǵaqqa qarsy materıal qosýǵa, qaptalǵan qardy shyǵarýǵa basa nazar aýdarylǵan.
QR ÁQBtK 631-baby boıynsha «Astana - Petropavl» respýblıkalyq mańyzy bar trassasynyń ózine vedomstvolyq baǵynysty ýchaskesin kútip ustaý jónindegi talaptardy oryndamaǵan jergilikti DEÝ bastyǵy ákimshilik jaýapkershilikke tartylǵan. Osyǵan uqsas buzýshylyqtar «Almaty - Ekaterınbýrg» halyqaralyq mańyzy bar trassasynda anyqtalǵan.
«Quzyrly qyzmetter jol jamylǵysyn tazalaýdy uıymdastyrmaǵan, sonyń saldarynan apattar bolýy múmkin. Aqmolalyq polısııa qyzmetkerleri jol-kólik oqıǵalary men bolýy múmkin qaıǵyly saldardyń aldyn alý úshin jol uıymdarynyń basshylaryna merdiger uıymdardyń basshylyǵy tarapynan baqylaýdy kúsheıtýdi jáne aldaǵy ýaqytta mundaı kemshilikterge jol bermeýdi qatań usynyp otyr», delingen habarlamada.
Aıta keteıik, jyl basynan beri Aqmola oblysynda 43 saraptama júrgizilgen. Anyqtalǵan zań buzýshylyqtar boıynsha uıǵarym shyǵarylyp, oryndaý merzimderi belgilengen.